Müsəlman Roma imperiyası

«Bunun birlikdə N. Yorqa digər bir əsərində, 15-ci əsr Türkiyəsinin, hətta hələ II Murad zamanında belə, Bizans imperiyasının müsəlman rənginə boyanmış yeni bir şəkli olduğunu iddia etmək surətilə yuxarıdakı iddiasını bir dərəcəyə qədər nəqz etmişdir (Les voyageurs français dans l'Orient Européen, s. 14). Yenə eyni yazar, 16-cı yüz illikdə tamamilə imperialist bir mahiyyət alan Qanuni Süleyman Türkiyəsindən bəhs edərkən də, Bizans mədəniyyətinin islamiyyətlə ittifaq etmək yolunu taparaq İstanbulda yeni bir şəkil altında davam etdiyini söyləyir və Qanuni Süleymanın türk millətinin ənənələrinə tamamilə yad bir mədəniyyətdən ilham aldığını və Bizansı “təqlid deyil, sanki intihal etdiyini” əlavə edir (eyni əsər, s. 21-22; Etudes roumaines, Paris, 1923, s. 51). Digər iki əsərində də, başqa bir münasibətlə, Osmanlı dövlətinin bir “müsəlman Roma imperiyası” olduğunu söyləyir (Une vingtaine de voyageurs dans l'Orient Européen, Paris, 1928, s. 4; Relations entre l'Orient et l'Occident au Moyen- Âge, Paris, 1923, s. 181).»

M. Fuad Köprülü, Bizans Müesseselerinin Osmanlı Müesseselerine Tesiri. — İstanbul: Ötüken Neşriyat, 1981, səh. 17.